Мектепішілік әкелер жиналысы

Әлжан Бұқарбайқызы атындағы қазақ орта мектебінде 26.09.2023 жылы мектепішілік әкелер жиналысы өткізілді. Жиналыс ең алдымен адам жанын ізгілікпен қуаттандырып, адами қасиеттерге толы тәрбиелік мәні жоғары видеороликті көрсету арқылы басталып, әкелерге ой саларлықтай әдемі көрініс көрсетілді. Видеоролик біткенен соң  мектеп директоры Г.Ж.Катубаева әлеуметтік желілердің оқушылар үшін зияны өте көп екені туралы айтып, оқушыларға ұялы телефонға үй жағдайында шектеу қою керек екені айтылды. Әр түрлі қажетсіз ақпараттар еркін таралып, әлеуметтік желілер арқылы балалардың санасын жаулауда. Интернет кеңістігі баланың тәрбиесі мен мінез - құлқына, әдебіне әсер етіп, түрлі факторлардың белгілері басымдыққа ие болуына әкеліп соғып жатқандығын атап өтті. Әкелер ішінен тағайындалған әкелер кеңесінің төрағасын және құрамын таныстыры өтті. Келесі сөз кезегін мектептің директордың тәрбие ісі жөніндегі орынбасары Л.А. Оспанова қазіргі замандағы ата-аналардың жұмыс пен отбасылық өмір арасындағы үйлесімділік пен тепе-теңдікті сақтамауы бала тәрбиесіндегі жүгенсіздіктің орын алуынорын алуына ықпал ететінін айтып өтті. Сол себепті ұлттық құндылықтарды бойына сіңірген, ұлттық мүддені жоғары қоятын, өзінің туған жерін, Отанын қадірлейтін тұлға тәрбиелеу өзекті мәселе екені айтылды. Ұлттық құндылыққа байланысты төрт топқа арнайы сұрақтармен тапсырма дайындап, әкелер өз ойларымен бөлісіп, қазақи нақышпен тұшымды жауаптарын белсене  ортаға салды. Жиналыс соңында директордың тәрбие ісі жөніндегі орынбасары Ж.Ж.Танекеев ер азаматтармен бірге оқушылардың қауіпсіздік шараларын күшейту мақсатында түнгі рейдті бірге жүргізуге ұсыныс жасап және өскелең ұрпақтың бойына ұлттық құндылық пен тәрбиені арттыру мақсатында танымал тұлғаларды мектепке шақыртуға көмек көрсетулерін атап айта кетті. Жиналыстың соңында қазақтың рухын көтеретін Ескендір Хасанғалиев Өтегенұлының “Атамекен” әнін баршамыз орнымыздан тұрып мақтанышпен шырқап орындадық!