педагог-ұйымдастырушы Мөлдір Тохтарбайқызының ұйымдастыруымен 6 – сынып қыздарының арасында «Қыз баланың әдебі туралы тағы да бір сөз» атты пікір алмасу дөңгелек үстелі өтті. «Әдепсіз өскен адамнан, тәртіппен өскен тал артық» деген мақалды негізге ала отырып, қыздардан «Әдеп дегеніміз не?, Әдептің мәнін қалай түсінесіздер?, Қыз баланың әдебі неден бастау алады?» сынды жетекші сұрақ қою арқылы қыздардың ойлары ортаға  салынып, жеке-жеке талқыланды. Қыздар әдеп қағидаларының ара-жігін ажыратып, оның ішінде сөйлеу, киіну, тыңдай алу сынды әр қағидаға жеке назар салып, мәнін түсінді. Мөлдір Тохтарбайқызы қыз баланың бойындағы асыл қасиеттер, әдеп пен әдет жөнінде түсіндіріп өтіп, әр қыздан жеке-жеке өз бойындағы 3 жақсы, 3 жаман қасиетін айтуын өтінді. Бірі өте жоғары деңгейде санамалап берсе, енді бірі сәл іркіліп қалды. Осы орайда оқушыларымыз әдеп пен әдеттің байланысын, әдептіліктің өзі тікелей өзіңді сыйлаудан, өз уақытыңды сыйлаудан, өз-өзіңді танудан, өз ортаңа, қоғамға зиян келтірмеу керектігін түсінді. Дөңгелек үстел өте жоғары деңгейде өтті.