1 қазан – Халықаралық қарттар күні.

1 қазан – Халықаралық қарттар күні. Қарттар күнін атап өтудегі басты мақсатымыз үлкен кісілерді құрметтеу арқылы оқушылардың бойына халқымыздың қадыр қасиетін сіңіру, үлкенді сыйлай білуге, өз ата - бабасын ұмытпай есте сақтауға және аталы сөден ғибрат алуға тәрбиелеу. Бұл күні біздің елімізде ғана емес, әлемнің түкпір - түкпірінде қарттарға арналған мерекелік іс - шаралар өткізіліп, ересектер тарапынан қарияларға көмек көрсетілетін алуан түрлі жобалар ұйымдастырылып, мемлекет арнайы жәрдемақылар тағайындайды. Мектебімізде 1 - қазан «Қарттар күні» мерекесіне орай 7 «Ә» сынып оқушылары «Қарттарын қадірлеген ел ардақты» тақырыбында, мерекелік іс – шара өткізді. Іс – шара жоғары деңгейде өтті. Оқушылар өз өнерлерін көрсетті. Онда би, ән, хор және мағыналы көрініс те болды. Іс - шарада мектебіміздің ардагер ұстаздары мен сыныптың қарт ата – апалары қатысты. Құрметті қонақтар іс – шара соңында оқушыларға өз баталарын беріп, алғыстарын айтты.  Қария - ағып жатқан дария, телегей теңіз іспеттес емес пе?!. “Қарты бар елдің қазынасы бар” деген асыл сөзді халқымыз бекер айтпаса керек. Қай кезде де  халқының тілеуін тілеп, жұртына қамқор болатын қарттарымыз аман болсын. 
Сынып жетекшісі: Умирзакова Б.А.