Мақала

Қазақстан халқы тілдері күніне орай 4-қыркүйек күні «Әлжан Бұқарбайқызы атындағы қазақ орта мектебінде тіл тазалығын сақтау, мәдениетті сөйлеу, шешендік өнерді оқушы бойына сіңіре отыра, ана тіліне сүйіспеншілігін қалыптастыру, жастардың қазақ   әдебиетіне, мәдениетіне деген қызығушылығын арттыру, өскелең ұрпақтың рухани  жан-дүниесін байыту, жергілікті ақын-жазушылардың шығармашылығын   насихаттау мақсатында мемлекеттік тіл мәртебесін көтеруге атсалысып жүрген Қарасай ауданы «Қазақ тілі» қоғамының төрағасы Шара Қанатқұлқызымен кездесу  кеші өткізілді. Сыр-сұқбат  ерекше түрде өтті
  Өйткені, эпидемиологиялық жағдайдың  өршуіне байланысты қашықтықтан ZOOM платформасы арқылы байланысқа шықтық.
Сұқбаттың өтуіне ат салысқан мектеп директоры Гаухар Жартасбаевнаның  бастамасымен өте жоғары деңгейде өтілді. Кеш барысында ДҒӘІЖО  Н. Молдамұратұлы «Тіл мерекесі» күнімен құттықтап, сөз сөйлеп, сәттілік тіледі. «Тіл дегеніміз қай халықтың болмасын,кешегі, бүгінгі ғана емес, ертеңгі де тағдыры» деп Б.Момышұлы атамыздың сөзімен бастай отырып, қазіргідей бәсеке жағдайында барлық жағынан алғанда да күшті ұлттар ғана өз мүддесі үшін күресе алады. Өйткені ұлттық мәдениет тірегі біреу ғана, ол – тіл екенін айтып өтті. Кешті мектебіміздің қазақ тілі мен әдебиеті пәні мұғалімдері Диана Қайратқызы мен Жанар Меңлібаевна жүргізді. 
10-11 сынып оқушылары емін-еркін сыр -сұқбат жүргізді. Олар өз көкейлеріндегі сұрақтарына тұшымды жауап алды. Олар Даулетхан Камила, Байжұман Сұлтан, Оразқанов Арсен, Сейітқанова Айзада. Кеш барысында мектебіміздің көркемсөз шеберлері өз өлеңдерін оқып, көрермен қауымды риза етті. Олар Мырзабек Елубай, Сейтқазы Динара, Кенжали Назерке, Дархан Жания, тілге деген құрметін өлең жолдарымен білдірді. Өркендерің өссін, жас ұрпақ дегім келеді. Шара Қанатқұлқызы өзінің ризашылығын білдіріп, оқушыларымызға ақ тілегін арнады. Өз сөз кезегінде Шара Қанатқұлқызы ұстаздық жол қиын жол екенін және осы салаға қалай келгенін басынан өткен қызықты оқиғаларымен, ана тіліміздің қазіргі таңдағы қоғамдағы рөлі жайында ой бөлісті. Шара Қанатқұлқызына мектеп ұжымы атынан алғысымыз шексіз. Себебі өзінің дарқан көңілімен, кішіпейілділігімен жағдайдың қиындығына қарамай балаша қуанып, жас ұрпаққа өзінің өнегелі өмірі жайында сыр шерткеніне ризамыз. Өмір жасыңыз ұзақ болып, кейінгі ұрпаққа өзінің ақыл кеңесін берер қарияларымыз көп болсын дегім келеді. Кездесу кештің мазмұнды да, мағыналы өтуіне  тәрбие саласын басқарып отырған Лаззат Амировна  Шара апамызбен байланыстырып отырды. Сыныптардың байланысқа шығуын қадағалап отырған мектебіміздің қазақ тілі пәні мұғалімдері Есмурзаева Алия, Пирашова Галья ұстаздарымызға және тәрбие ісінің меңгерушісі Халық Қайсар ұстазымызға рақмет айтамыз. Кешімізді  тәрбие ісінің меңгерушісі Халық Қайсар қорытындылады.
Әлжан Бұқарбайқызы атындағы қазақ орта мектебінің қазақ тілі мен әдебиеті пәні мұғалімі Пирашова Г.Е және тіл мамандары